Match report | Detajet nga fitorja e fundit në shtëpi ndaj Trepçës
KF Prishtina e Re mposht KF Trepçën dhe rikthehet te fitorja
KF Prishtina e Re ka regjistruar një tjetër fitore në shtëpi, duke mposhtur KF Trepçën me rezultat 2-0 në Stadiumin KF Prishtina e Re në Hajvali, në kuadër të xhiros së nëntë të Raiffeisen Liga e Parë.
Bardhekaltrit e nisën ndeshjen me iniciativë dhe arritën ta zhbllokojnë rezultatin në minutën e 33-të. Astrit Berisha u tregua i saktë nga pika e bardhë, duke realizuar për 1-0 dhe duke i dhënë skuadrës avantazhin me të cilin u mbyll edhe pjesa e parë.
Në pjesën e dytë, Prishtina e Re vazhdoi ta menaxhonte epërsinë, ndërsa stafi teknik ndërhyri me disa ndryshime për të sjellë energji të freskët në fushë.
Në minutën e 75-të, Adonis Zeqiri zëvendësoi Agustin Daniel Rojas, ndërsa Emir Zogaj u inkuadrua në vend të Drilon Fazliut.
Dy ndryshime të tjera erdhën në minutën e 86-të, kur Demir Imeri zëvendësoi Edi Bašën, ndërsa Valton Haxhiu hyri në vend të Rilind Nimanit.
Vetëm një minutë më vonë, në minutën e 87-të, Prishtina e Re vulosi fitoren. Rilind Nimani asistoi për Adonis Zeqirin, i cili realizoi golin e dytë të takimit për rezultatin 2-0.
Ndryshimi i fundit u bë në minutën e 88-të, kur Ron Zeqiri zëvendësoi kapitenin Astrit Berisha.
Skuadra e Qëndrim Kidës e mbylli takimin me portën e paprekur dhe me tri pikë të tjera të fituara në Hajvali.
KF Prishtina e Re 2-0 KF Trepça
Golashënuesit: 33’ Astrit Berisha – penallti 87’ Adonis Zeqiri – asistim Rilind Nimani
FORMACIONI STARTUES
#87 Egzon Bislimi
#4 Jonathan Sanou #22 Eneid Kodra #23 Endrit Morina #21 Qlirim Avdulli
#27 Shqiprim Taipi #37 Agustin Daniel Rojas #8 Rilind Nimani
#11 Edi Baša #7 Drilon Fazliu #9 Astrit Berisha (C)
ZËVENDËSIMET
75’ Adonis Zeqiri ↔ Agustin Daniel Rojas 75’ Emir Zogaj ↔ Drilon Fazliu
86’ Demir Imeri ↔ Edi Baša 86’ Valton Haxhiu ↔ Rilind Nimani
88’ Ron Zeqiri ↔ Astrit Berisha
