KF Prishtina e Re2 min lexim
KF Prishtina e Re ka regjistruar një tjetër fitore në Raiffeisen Liga e Parë, duke mposhtur FC Suharekën me rezultat 3-1 në Hajvali, në kuadër të xhiros së 13-të.
Skuadra e Qëndrim Kidës kaloi në epërsi në minutën e 33-të. Astrit Berisha finalizoi për 1-0 pas asistimit të Drilon Fazliut, rezultat me të cilin u mbyll edhe pjesa e parë.
Epërsia u dyfishua në minutën e 63-të, pas një autogoli të skuadrës mysafire, për rezultatin 2-0.
FC Suhareka reagoi pesë minuta më vonë. Në minutën e 68-të, Liridon Fetahaj realizoi nga pika e bardhë, duke ngushtuar rezultatin në 2-1.
Në minutën e 69-të erdhi edhe ndryshimi i parë te Prishtina e Re, me Valton Haxhiun që u inkuadrua në vend të Rion Rushitit.
Skuadra jonë e riktheu epërsinë prej dy golash në minutën e 79-të. Astrit Berisha u tregua i saktë nga 11-metërshi, duke realizuar golin e tij të dytë personal dhe të tretin për Prishtinën e Re.
Në minutën e 84-të, kryetrajneri Qëndrim Kida bëri tre ndryshime të tjera. Adonis Zeqiri hyri në vend të Drilon Fazliut, Demir Imeri zëvendësoi Shqiprim Taipin, ndërsa Theophilus Solomon u inkuadrua në vend të Astrit Berishës.
Ndryshimi i fundit erdhi në minutën e 88-të, kur Issa Yang hyri në vend të Qlirim Avdullit.
Ndeshja u mbyll me rezultat 3-1, me KF Prishtina e Re që siguron tri pikë të tjera në Hajvali.
FORMACIONI STARTUES
#1 Florjan Smakiqi #20 Donat Hasanaj #4 Jonathan Sanou #23 Endrit Morina #21 Qlirim Avdulli #27 Shqiprim Taipi #37 Agustin Daniel Rojas #14 Emir Zogaj #10 Rion Rushiti #7 Drilon Fazliu #9 Astrit Berisha (C)
ZËVENDËSIMET
69’ – #28 Valton Haxhiu për #10 Rion Rushiti 84’ – #44 Adonis Zeqiri për #7 Drilon Fazliu 84’ – #31 Demir Imeri për #27 Shqiprim Taipi 84’ – #45 Theophilus Solomon për #9 Astrit Berisha 88’ – #29 Issa Yang për #21 Qlirim Avdulli
GOLAT
33’ Astrit Berisha – asistim Drilon Fazliu 63’ Autogol – FC Suhareka 68’ Liridon Fetahaj – penallti 79’ Astrit Berisha – penallti
