KF Prishtina e Re1 min lexim
KF Prishtina e Re fiton në Kamenicë, Astrit Berisha vendos ndeshjen ndaj KF Kikës.
KF Prishtina e Re ka mbyllur me fitore xhiron e 10-të të Raiffeisen Liga e Parë, duke triumfuar 0-1 ndaj KF Kikës në Kamenicë.
Pas një pjese të parë të luftuar, skuadra jonë e gjeti golin vendimtar menjëherë pas rikthimit nga pushimi. Në minutën e 47-të, Qlirim Avdulli asistoi për Astrit Berishën, i cili finalizoi aksionin dhe kaloi Prishtinën e Re në epërsi, 0-1.
Gjatë pjesës së dytë, bardhekaltrit patën edhe mundësinë për ta dyfishuar rezultatin nga pika e bardhë. Drilon Fazliu mori përgjegjësinë për ekzekutimin e penalltisë, por nuk arriti ta konkretizojë 11-metërshin.
Megjithatë, skuadra ruajti avantazhin deri në fund, duke menaxhuar minutat e mbetura dhe duke e mbyllur ndeshjen me portën e paprekur. Goli i Astrit Berishës rezultoi i mjaftueshëm për tri pikët nga transferta në Kamenicë.
KF Kika 0-1 KF Prishtina e Re
⚽ 47’ Astrit Berisha | 🅰️ Qlirim Avdulli
Formacioni startues
#87 Egzon Bislimi #4 Jonathan Sanou #22 Eneid Kodra #23 Endrit Morina #21 Qlirim Avdulli #27 Shqiprim Taipi #37 Agustin Daniel Rojas #8 Rilind Nimani #28 Valton Haxhiu #7 Drilon Fazliu #9 Astrit Berisha (C)
Zëvendësimet
34’ Emir Zogaj ↔ Rilind Nimani
56’ Adonis Zeqiri ↔ Valton Haxhiu 56’ Bujar Shabani ↔ Agustin Daniel Rojas
85’ Theophilus Solomon ↔ Astrit Berisha 85’ Donat Hasanaj ↔ Drilon Fazliu
Me këtë fitore, KF Prishtina e Re e mbyll me sukses xhiron e 10-të dhe merr tri pikë të tjera të rëndësishme në garën e Raiffeisen Liga e Parë.
Pas kësaj fitoreje, KF Prishtina e Re ngjitet në vendin e parë të tabelës së Raiffeisen Liga e Parë me 21 pikë.
