KF Prishtina e Re1 min lexim
KF Prishtina e Re dhe KF Liria kanë ndarë pikët në derbin e xhiros së 16-të të Raiffeisen Liga e Parë, pas barazimit 1-1 në Hajvali.
Mysafirët kaluan herët në epërsi, kur Drin Imeri realizoi në minutën e 6-të për 0-1.
Pjesa e parë u mbyll me epërsinë minimale të Lirisë, ndërsa në vazhdim skuadra jonë kërkoi golin e barazimit.
Ndryshimi i parë erdhi në minutën e 57-të, kur Rion Rushiti u inkuadrua në vend të Endrit Morinës.
Në minutën e 73-të u bënë dy ndryshime të tjera. Agustin Daniel Rojas hyri në vend të Edi Bašës, ndërsa Theophilus Solomon zëvendësoi kapitenin Astrit Berisha.
Dy zëvendësimet e fundit erdhën në minutën e 83-të, me Bujar Shabanin që hyri në vend të Donat Hasanajt dhe Valton Haxhiun në vend të Shqiprim Taipit.
Pikërisht dy lojtarë të ardhur nga banka e rezervistëve krijuan golin e barazimit në minutat shtesë. Në minutën e 91-të, Theophilus Solomon asistoi për Bujar Shabanin, i cili realizoi për 1-1 dhe i dha skuadrës sonë një pikë nga derbi.

FORMACIONI STARTUES
1 Florjan Smakiqi 20 Donat Hasanaj 4 Jonathan Sanou 23 Endrit Morina 21 Qlirim Avdulli 27 Shqiprim Taipi 22 Eneid Kodra 8 Rilind Nimani 11 Edi Baša 7 Drilon Fazliu 9 Astrit Berisha (C)
GOLAT
6’ Drin Imeri – KF Liria 91’ Bujar Shabani – asistim Theophilus Solomon
ZËVENDËSIMET
57’ – 10 Rion Rushiti për 23 Endrit Morina 73’ – 37 Agustin Daniel Rojas për 11 Edi Baša 73’ – 45 Theophilus Solomon për 9 Astrit Berisha 83’ – 25 Bujar Shabani për 20 Donat Hasanaj 83’ – 28 Valton Haxhiu për 27 Shqiprim Taipi

